Staz Fonnkèr (Sud)

Vyin aprann bann tiktak éfikas pou byin aranz zot bann tèks fonnkèr ! 


Si zot i ékri déza zot nora bann gayar klé pou avans pli vitman, pou kré bann tèks pérkitan, tèknik litérèr i pé amélyor zot stil. 

ANON ARANZ ANSANM ZOT BANN KRÉASYON ;) 

Aminn osi zot bann tèks ou morso d-tèks, si zot lé déza dan lélan lékritir.
Pou sak i vé lès koz son lémosyon, i rod in somin pou di lo mo, in fason ésprim an fonnkèr son pansé, son réfléksyon, son mazinasyon, son bann léspéryans, rosanti, mé i koné pa koman fo fé pou rann sa inpé plis ritmé, asézoné, vyin, n'a ranz sa ansanm , wa fé in gayar kari bandé ! 

Ézit pa, baro lé rouvèr, dan in gayar vibrasyon, ék la byinvéyans épisa lo réspé lo linivèr shak moun, son vizyon.
N'a partaz in gayar moman ansanm, dan lésanz, diskisyon rouvèr, san inpoz in vizyon. <3

ZOT VA :
- trouv zot libérasyon, shakinn dan son léstil, dan son linivèr pèrsonèl.
- anrishi zot manyèr ékri an kréol, di ZOT linivèr an kréol.
- agrémant zot tèks sanm tiktak litérèr (par mon konpétans an litéraitr, parapor parkour formasyon la fak an lang, tèknik litérèr, etc.)
- dékouv, aprofondi VOKABILÈR litérèr (in palanké zoli mo an trafilad i sov loumay ti lanp, ti lanp... fo sov ali dann modékri, fo fé arviv bann-na dann fonnkèr, fo fé dans azot si in mizik ! 
- dékouv bann LÉTIMOLOZI i koné pa ankor byin ousa i sort (kél mo lorizine antouléka).

⭐️⭐ BONUS :
M'a ésplik azot koman mwin mi fé, mon manièr konpozé, ékri, koman m'a komans rant dann santyé lékritir + lo bann tiktak i fé la diférans !!

Mi éspèr trouv azot parlaba ! 

ℹ️ Tout bann linformasyon lé dsi lo paz rézèrvasyon dosou-la. Konm dabitid ;)

Pa toultan mi fé, lé rar konm korn lapin !
Alors, mi konsèy azot profité, trap zot biyé, nora pwin in paké.

Tarif bazik (kado !) pou lo valèr lo latlyé : 30€
Ézit pa fé konèt osi koté dan out lantouraz, rézo, famiy, pou KADO in moun (tarif "duo" pli gadyanm pou 2 moun : 50€ 
 

+ Tarif groupe Spécial "Noèl" an Fonnkèr  : 125 € (de 6 à 8 pers.)
Soit 20€ (gp de 6) voire même 15€ /pers. (gp de 8) ! 
Ral zot kamarad ! 

Mi sa aport azot bann gayar manyèr aranz zot bann fonnkèr, ék mon léspéryans artistik dopi laz 19 an, mon bann konpétans dann litératir (7 an zétid "langues et civilisations étrangères, parcours hispanique") +  an lang fransé/kréol, (CAPLP Lettres-Espagnol), +  dapré mon formasyon CAPES Créole. 

Ariv azot !